都話睇戲唔好駁戲，論娛樂性咁佢算摘得6.9/10粒星，若考慮埋合理性，就落得4/10。
呢類戲賣點九成係sell群體博奕同困獸鬥。困獸方面自然係睇被獵者如何逃生或者「發窮惡」而殺返轉頭，打到捕獵者變豬頭（咁predators又真係好似豬頭咖）；群體方面就睇班被獵者既人性，行動上又點樣合作，或者為左偷生而內訌分裂互相陷害。呢兩方面大致講得通，咁其他副線或者細節唔合理都無乜所謂。
好可惜，扣住上面兩方面講套戲，佢做唔到囉。唔妥有兩大點。
以下會透露一點劇情，讀者如果會睇套戲，最好唔好睇下文。
先說戲中困獸布局可唔可以自圓其說，呢點我放過佢，雖然我認為 predators無必要捉班人去第二個星球度孤立起佢地才玩狩獵遊戲。Predators一向好勝，好似以前舊系列咁，在人類個地盤度（地球）直接玩狩獵先至夠薑夠難度咖嘛。算啦，當呢群新種predators係鬼祟一Ｄ都唔係唔通既。
所以最大問題都係出係群體人性戲果度。
話說一班好武嗜殺的地球人，被超科技轉換左去某星際鬥獸場，一路團結禦敵，唔錯；但忽然出現另一個早屆死剩種（自己走出黎咖，無任何客觀條件逼使佢咁做），然後佢帶領班人去左佢個私竇度落腳。
阿剩種有件「隱形衣」，所以班predators都睇佢唔到，好喇好喇，以為多個人幫手逃生或者殺敵，點知阿剩種突然靜雞雞鎖住班人係個竇，然後佢係房外「燒炭」要用煙燻死係房內班人，阿剩種仲大大聲講，「唔殺你地唔得，呢度糧資（極可能係水同樹皮）少，唔想你地同我爭食」。
你話勒，明明無人知道阿剩種存在，佢無啦啦現身做乜？佢隱形咖嘛，周圍搵食都無人知，或者佢又可以等班人搵到野食佢就去偷，咁咪仲舒服！退一步，班人幾乎對群predators無力招架，遲一日早一日都係死咖喇，咁阿剩種又使乜自己郁手呢？劇情可謂為左強調或者質疑人性既詭譎陰暗，扭下六壬卻得阿茂整餅。
第二點，性質同上面個點相同。集軍人、黑幫、嗜殺者等成班人入面，有個貌似斯文人，仲係天職救人既醫生黎，唔使問阿貴我，據這幾十年黎最老套既戲橋習性，十成十最奸毒既一定係佢。無錯。但佢係乜野時候自曝呢？就係近尾場係佢同另一位伙伴俾predator捉住困係地下個大窿度，兩個人度緊橋點爬返上去，都未有辦法，佢就無端端拎把毒刀仔黎拮人地，然後陰陰笑自表係嗜殺者，此所以predators選中佢黎玩獵殺遊戲。大佬呀，咁都要等自己爬出左個窿，偷生有望咁至害其他人丫，而家無端端加害搭緊同一條船既唯一伙伴，之後點逃生？弱智咖？
斯文人自白今次害人既理由係：佢唔想離開呢個獵場，呢度好適合佢呢種嗜殺變態佬。之後佢撞上predator，仲話「兄台，我其實同你地一樣咁賤咁衰，所以咱們係同類黎，你唔好殺我喎。」（咁上下意思）這一如有人走去條滿布鱷魚既河度，同那群跟佢三唔識七既鱷魚講人話（識聽少少咁啦），「各位，我其實亦係一種好邪惡既生物，同你地一樣食人唔吐骨，所以你地俾我長駐係度游水啦，唔好咬我。」你話係咪黐那線勒？
其他唔合理唔明白既地方都無所謂喇，但成套戲既場景咁細（來來去去就係個森林某一窟），Ｄ人走來走去，開下機關槍，主線只能圍繞班人做人性對手戲，咁就唔好搞到咁弱智啦嘛。
不過，如果唔介意套戲原來確係想講人性既弱智，咁作為半個軍事迷既我，睇佢地開機關槍都唔係唔過癮既，尤其有枝數碼迷彩機槍，型。
P.S. 女主角有Ｄ似整過容既後生ＭＪ，搞到我硬係覺得阿ＭＪ有個孖生妹妹，或者ＭＪ自己扮緊女人，有份演出。有Ｄ邪。
(備註：本文的舊留言在2013年9月搬網誌時全部流失。)
呢類戲賣點九成係sell群體博奕同困獸鬥。困獸方面自然係睇被獵者如何逃生或者「發窮惡」而殺返轉頭，打到捕獵者變豬頭（咁predators又真係好似豬頭咖）；群體方面就睇班被獵者既人性，行動上又點樣合作，或者為左偷生而內訌分裂互相陷害。呢兩方面大致講得通，咁其他副線或者細節唔合理都無乜所謂。
好可惜，扣住上面兩方面講套戲，佢做唔到囉。唔妥有兩大點。
以下會透露一點劇情，讀者如果會睇套戲，最好唔好睇下文。
先說戲中困獸布局可唔可以自圓其說，呢點我放過佢，雖然我認為 predators無必要捉班人去第二個星球度孤立起佢地才玩狩獵遊戲。Predators一向好勝，好似以前舊系列咁，在人類個地盤度（地球）直接玩狩獵先至夠薑夠難度咖嘛。算啦，當呢群新種predators係鬼祟一Ｄ都唔係唔通既。
所以最大問題都係出係群體人性戲果度。
話說一班好武嗜殺的地球人，被超科技轉換左去某星際鬥獸場，一路團結禦敵，唔錯；但忽然出現另一個早屆死剩種（自己走出黎咖，無任何客觀條件逼使佢咁做），然後佢帶領班人去左佢個私竇度落腳。
阿剩種有件「隱形衣」，所以班predators都睇佢唔到，好喇好喇，以為多個人幫手逃生或者殺敵，點知阿剩種突然靜雞雞鎖住班人係個竇，然後佢係房外「燒炭」要用煙燻死係房內班人，阿剩種仲大大聲講，「唔殺你地唔得，呢度糧資（極可能係水同樹皮）少，唔想你地同我爭食」。
你話勒，明明無人知道阿剩種存在，佢無啦啦現身做乜？佢隱形咖嘛，周圍搵食都無人知，或者佢又可以等班人搵到野食佢就去偷，咁咪仲舒服！退一步，班人幾乎對群predators無力招架，遲一日早一日都係死咖喇，咁阿剩種又使乜自己郁手呢？劇情可謂為左強調或者質疑人性既詭譎陰暗，扭下六壬卻得阿茂整餅。
第二點，性質同上面個點相同。集軍人、黑幫、嗜殺者等成班人入面，有個貌似斯文人，仲係天職救人既醫生黎，唔使問阿貴我，據這幾十年黎最老套既戲橋習性，十成十最奸毒既一定係佢。無錯。但佢係乜野時候自曝呢？就係近尾場係佢同另一位伙伴俾predator捉住困係地下個大窿度，兩個人度緊橋點爬返上去，都未有辦法，佢就無端端拎把毒刀仔黎拮人地，然後陰陰笑自表係嗜殺者，此所以predators選中佢黎玩獵殺遊戲。大佬呀，咁都要等自己爬出左個窿，偷生有望咁至害其他人丫，而家無端端加害搭緊同一條船既唯一伙伴，之後點逃生？弱智咖？
斯文人自白今次害人既理由係：佢唔想離開呢個獵場，呢度好適合佢呢種嗜殺變態佬。之後佢撞上predator，仲話「兄台，我其實同你地一樣咁賤咁衰，所以咱們係同類黎，你唔好殺我喎。」（咁上下意思）這一如有人走去條滿布鱷魚既河度，同那群跟佢三唔識七既鱷魚講人話（識聽少少咁啦），「各位，我其實亦係一種好邪惡既生物，同你地一樣食人唔吐骨，所以你地俾我長駐係度游水啦，唔好咬我。」你話係咪黐那線勒？
其他唔合理唔明白既地方都無所謂喇，但成套戲既場景咁細（來來去去就係個森林某一窟），Ｄ人走來走去，開下機關槍，主線只能圍繞班人做人性對手戲，咁就唔好搞到咁弱智啦嘛。
不過，如果唔介意套戲原來確係想講人性既弱智，咁作為半個軍事迷既我，睇佢地開機關槍都唔係唔過癮既，尤其有枝數碼迷彩機槍，型。
P.S. 女主角有Ｄ似整過容既後生ＭＪ，搞到我硬係覺得阿ＭＪ有個孖生妹妹，或者ＭＪ自己扮緊女人，有份演出。有Ｄ邪。
(備註：本文的舊留言在2013年9月搬網誌時全部流失。)
沒有留言:
發佈留言